無聊大師的閒聊雜誌
今日無意中響 YouTube 按了布公仔唱 Rainbow Connection 嘅一段片，突然發覺當自己年紀愈大，就愈變得欠缺夢想！千祈唔好將夢想兩個字睇得好大，其實好可能只係一刻內心嘅寧靜，又或者欣賞一下美好的東西而已。其實相信與事實往往係兩回事，曾 Sir 都成日相信自己好靚仔，又或者相信自己唱歌好好聽！雖然現實並唔係咁，但係相信總比不信讓自己覺得開心。
慢慢就發覺，我需要尋找自己嘅信仰，對仁愛嘅信仰、對美好嘅信仰、仲有對希望嘅信仰，傳說中，彩虹橋嘅另一端，可以找到自己的童年…… Continue reading 我的……彩虹橋
今朝唔覺意聽返一首舊歌，心裏面自自然然諗起近排嘅鉛水事件，一時之間高登歌詞組上身，即興二次創作一下！ 原曲係電影「表錯七日情」嘅插曲《要是有緣》，九十後應該未聽過 (應該係，除非你係八十前啦) Continue reading 要是有鉛
689並非龜縮，而是在現時的膠著情況下，拖延是最佳武器。因為社會大眾終有一日會頂唔順，而且罷工罷課班幾耐都好，班有錢佬都不會無錢駛！ 學聯將行動升級本意無錯，但目標要689下台就大錯特錯，因為死了一個689，還有十三億個689！所以我們要政府做到的是取消功能組別及爭取真普選，還有一樣大家忘記了的，就是將立會選舉還原至單議席單票制，讓議員以得票率來單挑！ 人群不能長期佔據太多地方，否則民意很快便會逆轉，這也是政府樂意見到的事情，所以689絕對係有備而戰而唔係龜縮！所以記著目標是以下三點： 1. 取消功能組別 2. 爭取真普選 3. 立會單議席單票制
社會進步與否，和年輕人的怨氣為何會扯上關係呢？正如貧窮的人，有沒有東西吃，和是否被欺負，也是兩碼子事。就拿一些落後的東南亞國家做個例子，這些國家很多都有嚴重的雛妓問題，不論男女，選擇為娼能保兩餐，能保小命！所以這些雛妓市場就如燒不盡的野草。而最可怕的是，光顧他們的人往往成為了這批雛妓們的恩主，如果這批尋歡客向這些雛妓說：「我讓你們有得吃，讓你們活得好，你們還好意思怨我們？」這樣說究竟是理直氣壯、還是厚顏無恥呢？
企響道德高地唾罵世人當然容易，教育界一邊對屢犯校規、打架欺凌嘅同學畀完一次又一次嘅機會，今日打完阿 sir 聽日又可以大搖大擺返學，另一邊廂企圖同佢哋講：「做錯事要承擔後果」？說服力何在？
只收窮人3蚊 坪洲仁醫病逝
三元睇醫生，50年不變，並非神話。78歲老醫生容存50年來不辭勞苦，每日由銅鑼灣入坪洲應診，待病人細心親切如家人，惜月初急病逝世。昨夜設靈，花圈堆滿禮堂，街坊細訴容上門替行動不便者診症，貧弱長者診金更50年不加價，只收三元，堪稱一代仁醫；坪洲鄉委會研究為他立碑紀念，以表敬意。 Continue reading 人生唔在乎做咗幾多轟轟烈烈嘅事，更應該嘅係為呢個世界默默地奉獻生命！
一個 SPSS file 搞到成班「專家」你一句我一句，香港人真係無知識成咁？ 大家不妨上 Youtube search 一下 “Perpetual” 一字，有大把惡搞得嚟，又有大把人相信嘅把戲！物理學家一早已經話比你聽，呢個世界唔會有 free energy，但係總係有一班人你一句我一句話真係有 “Perpetual motion”，仲有大把人用呢樣嘢呃人投資添！ 一言以蔽之，佛有三不渡：無緣者不渡、無信者不渡、無願者不渡。用我哋嘅語言即是：「慳返啖氣暖肚！」
呢兩日用哂啲空餘時間嚟刨哂《大埔紅 Van》，感受有三： 1. 佳句摘錄：成篇只得一句：「咁無膽就唔好學人搭紅 Van 喇！」 2. 小說方面 ── 嘩！高登仔都寫到廿五萬字嘅小說，姑勿論佢嘅故事藍本來自《Source code》、姑勿論佢舖排情節嘅手法似足《Lost》、亦暫時撇開佢嘅文筆帶兩分衛斯理、更加暫時唔好挑剔佢大量錯別字，一個高登仔有咁嘅水平，睇嚟我眼見嗰班……唉，連高登仔都不如！(叫佢哋睇廿五萬字已經無可能，何況寫…) 3. 個人方面：都好耐無睇過小說，今次係第一次由一本實實在在嘅書轉移陣地去螢光幕上面睇(瞓覺前睇電話mon)，老實講用電話睇小說好辛苦，唔知點解 kindle 響香港硬係無市場！仲有今次係第一次睇廣東話 + 粗口寫嘅小說，雖然啲粗口夠寫實，但係老實講粗口係多餘字，加咗落去反而睇得仲攰！
每次搭車經過呢個地方，就會突然間諗起呢幾句歌詞： (盧國沾好嘢，啲歌詞靚到飛起之餘，又……) 田疇燕子低飛 茅寮有數間 斜陽夕照河畔 河流倒影一雙 融融細語問 從前共你同伴 ………. 田疇野草千千 無人再去管 茅寮盡塌河畔 河流有水淙淙 悠悠已記起 從前共你同伴
呢個世界好多人滿口歪理，但係又以為自己好有道理……
等我講過你知：打仗有幾咁好……
如果呢個世界冇仗打，你而家連 Internet 都無得用，仲有 GPS、眼球瞄準系統、面孔辨識系統、遙感技術、加速感應技術、資料加密技術、甚至古老啲嘅雷達、定向儀、電磁波吸收材料、核子技術等等等等等….唔打仗點會發展得咁快？仲有呀，打仗仲可以調節人口、提升生產，哈！你話打仗幾咁好！
如果你鬧以上嘅人係講歪理，佢唔止唔會認、仲會話返你獨栽專制、無視佢嘅意見同埋道理，Well…既然呢啲人跟本是非不分，我只能夠講：「我無辦法令你有足夠嘅智慧去理解我嘅道理，唔好意思，你都係返上火星啦！」 Continue reading 呢個世界好多人滿口歪理，但係又以為自己好有道理……