補習天后 Amanda Tann 嗰間活學教育嘅一張舊 poster 近來又比人拎嚟炒作，全城人瘋狂指駡呢位補習天后，當人人都企響道德高地駡個興高采烈之際，天后竟然響 FB 回應呢班出盡全力打狗嘅人！天后當然唔會認錯，仲大條道理話係因應社會需求，鬧佢嗰班人當然繼續用力插，話佢毫無悔意，死性不改，但係另一邊廂對天后嘅回應又顯得不知從何駁斥，心情極為鬱抑！
曾 Sir 都算係一個教育工作者 (好似係)，當然唔會認同天后呢一套，不過大家有無諗過，天后咁做雖然有違道德，但係佢只不過係一個生意人，改變教育體制笨唔係佢嘅責任，而究竟邊啲人需要負起改善教育嘅責任呢？你懂的！但係呢班人又做過啲乜嘢呢？學校迫老師成個暑假返學校幫學生補課，變相老師與學生都無咗暑假，咁又博到邊班人熱烈嘅掌聲呢？
正所謂『天作孽，猶可違；自作孽，不可活。』正當各位大義凜然咁鬧天后一個狗血淋頭嘅時候，撫心自問，自己又有無份作孽呢？
