維基對引力波嘅定義寫得好好，但係我相信無乜人會知佢講乜!!
「以波動傳遞嘅時空扭曲率」，形容得非常準確，但亦都完全脫離咗九成九人對時間同空間嘅認知。我諗就算求其問一個路人甲，問佢知唔知咩嘢係時間同埋空間，一定唔會有人話唔知!! 但係如果你問佢知唔知時間係因為空間出現響呢個宇宙嘅一件「副產品」，佢可能即刻回返你一個字!! 不過早響 110 年前愛因斯坦已經講咗時間同埋空間根本就唔係我哋見到嘅咁，只不過人類只會相信自己嘅經驗同見聞，唔明白科學本身嘅理念，令到即使身在普及教育嘅先進社會中，仍然隨處見到無知而又迷信嘅人，要達至科普?? 仲有排，響香港更加係遙遙無期。咁……呢幾日啲人猛咁 share 重力波嘅新聞，咪又係兩個字……徒然 囉！
**前年，基於一個有關宇宙大暴漲嘅研究，竟然唔覺意咁響宇宙背景軸射中偵測到證實咗引力波存在嘅證據，今次趁住兩個黑洞搞埋一舊，仲直接測量到引力波，Kip Thorne 都算死得眼閉。